5 მაისს ილიას სახელმწიფო უნივერსიტეტმა ურთიერთთანამშრომლობის მემორანდუმი გააფორმა საქართველოს ხელოვნური ინტელექტის ასოციაციასთან. დოკუმენტს ხელი მოაწერეს ილიას სახელმწიფო უნივერსიტეტის რექტორმა ნინო დობორჯგინიძემ და საქართველოს ხელოვნური ინტელექტის ასოციაციის გენერალურმა დირექტორმა გიგი გიორგაძემ. მემორანდუმი მიზნად ისახავს ხელოვნური ინტელექტის მიმართულებით საერთო პროექტების განხორციელებას, კვლევისა და განათლების ხელშეწყობას, ასევე აკადემიური და პრაქტიკული გამოცდილების გაზიარებას.