ილიას სახელმწიფო უნივერსიტეტის არქიტექტურისა და ურბანული კვლევების ლაბორატორია (ცენტრი) ახორციელებს პროექტს „საბურთალოს ურბანული ცვლილებები“, რომელიც, ერთი მხრივ, შეისწავლის საბურთალოს ურბანული ტრანსფორმაციის პროცესს მე-19 საუკუნის ბოლოდან 1990-იან წლებამდე, მეორე მხრივ, საბინაო მშენებლობის არქიტექტურულ მახასიათებლებსა და თავისებურებებს.
2 დეკემბერს, 18:00 საათზე, პროექტის ფარგლებში ონლაინ გაიმართება მესამე სემინარი.
პირველ ნაწილში (18:00-19:00) ნაჩვენები იქნება ფილმი „ჩემი სოციალისტური სახლი“ (რეჟისორები: იულია სტატიკა და ადრიან ქატუ, 2021), შემდეგ გაიმართება (19:00-19:40) დისკუსია ფილმის ერთ-ერთ ავტორთან, იულია სტატიკასთან.
ფილმი გვიყვება ბუქარესტში, სოციალისტურ საცხოვრებელ ბლოკში მცხოვრები ხუთი ქალის გამოცდილებაზე და მათ მოგონებებს კომუნისტური ეპოქის დროინდელ რუმინეთში. ფილმი იკვლევს ნიკოლაე ჩაუშესკუს რეჟიმის (1965-1989) დროს ინიცირებული ორი მნიშვნელოვანი რეფორმის ისტორიულ მნიშვნელობასა და აქტუალობას. ერთი მიზნად ისახავდა დემოგრაფიულ ზრდას რეპროდუქციის კონტროლით, ხოლო მეორე – უპრეცედენტო მასობრივი საცხოვრებელი კონსტრუქციების ნგრევას. მიუხედავად იმისა, რომ ფილმი გადაღებულია თანამედროვე პოსტსოციალისტურ კონტექსტში, ამ ისტორიულ რეფორმებს განიხილავს ფილმის მონაწილეთა ყოველდღიურობისა და მათი ისტორიების საშუალებით. ამით ავტორი ნათლად აჩვენებს წინააღმდეგობებს, ნიუანსებსა და კომუნიზმის ეპოქაში ცხოვრების გენდერულ ბუნებას, განსაკუთრებით კი არქიტექტურის პრიზმულ როლს სოციალიზმის ფორმირებასა და მის შემდგომ ცხოვრებაში. ფილმის ანონსის ბმული: https://www.youtube.com/watch?v=PZCoJsE98FE
რეჟისორის შესახებ
იულია სტატიკა მელონის სტიპენდიატი დემოკრატიისა და ლანდშაფტის მიმართულებით ჰარვარდის უნივერსიტეტის დუმბარტონ ოქსის ინსტიტუტში, ვაშინგტონში და შეფილდის უნივერსიტეტის, არქიტექტურისა და ლანდშაფტის სკოლის ლექტორია (დიდი ბრიტანეთი). დისერტაციის დაცვის შემდეგ კვლევა განაგრძო ბარტლეტის არქიტექტურის სკოლასა (UCL) და კორნელის უნივერსიტეტში (პოსტდოქტორანტის პოზიციაზე).
მისი კვლევის თემაა აღმოსავლეთ ევროპაში სოციალისტური ეპოქის პერიოდში აშენებული გარემოს მემკვიდრეობის, განსაკუთრებით მასობრივი საცხოვრებელი უბნებისა და ამ სივრცეების გენდერული გამოცდილების შესწავლა. სწავლობს შინაურობის, ინფრასტრუქტურისა და ფემინიზებული მიგრაციის გამოცდილებას ცივი ომისა და იმპერიული ისტორიების ფართო კონტექსტში, ასევე მათ გავლენას თანამედროვე პოსტსოციალისტურ პრაქტიკზე. ავტორია წიგნისა Urban Phantasmagorias: Domesticity, Production, and the Politics of Modernity in Communist Bucharest.
დრო: 2 დეკემბერი, 18:00 საათი
ფორმატი: ონლაინ
ზუმის ბმული https://iliauni-edu-ge.zoom.us/j/81858419018?pwd=5cb94xRfq6CON5tmnlUovzX6MXa2v8.1
2025
