15-16 ნოემბერს თელავის იაკობ გოგებაშვილის სახელმწიფო უნივერსიტეტში გაიმართა ევროკავშირის Erasmus+ პროექტის „ტექნოლოგიებით გაძლიერებული სწავლება და სწავლა საქართველოს უნივერსიტეტებში“ (DITECH) მესამე ეროვნული შეხვედრა. პროექტის მონაწილე ინსტიტუციებმა განიხილეს ტექნოლოგიებით გამდიდრებული საბაკალავრო და სამაგისტრო კურსებისთვის შესამუშავებელი საკითხავი მასალები, იმსჯელეს ამ მასალების შემდგომ განვითარებაზე; მოისმინეს ხარისხის განვითარების ჯგუფის პრეზენტაცია პროექტით განხორციელებული აქტივობების შიდა და გარე ხარისხის მართვის მექანიზმებზე; განიხილეს პროექტის ონლაინპლატფორმის განვითარების, საინფორმაციო ბიულეტენის მომზადებისა და დისემინაციის სხვა აქტივობები; დაგეგმეს შემდგომი ღონისძიებები.
