13 ნოემბერს, 17:00 საათზე, ილიას სახელმწიფო უნივერსიტეტის E405 აუდიტორიაში ილიაუნის ბიზნესის სკოლის ოთხივე კურსის დაინტერესებულ სტუდენტებს ვიწვევთ გუგა აბაშიძის საჯარო ლექციაზე: „ბიზნესპროექტების წარდგენა დაინტერესებული სტუდენტებისთვის“.
მომხსენებლის შესახებ
გუგა აბაშიძე, ბიზნესის ადმინისტრირების მაგისტრი, ამჟამად კომპანია ,,სიგმა ჯგუფის“ მმართველი პარტნიორია. მას აქვს 15 წელზე მეტი ხნის სამუშაო გამოცდილება მენეჯერულ პოზიციებზე, აქედან 5 წელზე მეტი _ სტარტაპების მართვაში.
შეხვედრაზე დასწრების მსურველებმა 13 ნოემბრის 12:00 საათამდე უნდა გაიარონ ელექტრონული რეგისტრაცია: https://forms.gle/peVbQPAK96JFoZ3L9
*პროგრამის „სახელმწიფო სტიპენდიები სტუდენტებს“ ფარგლებში არსებულ კონკურსში ამ საჯარო ლექციაში მონაწილეობა შეფასდება 0.5%-ით.
შეგახსენებთ, რომ სასტიპენდიო კონკურსის მონაწილეებმა ელექტრონული რეგისტრაციის გარდა უნდა გაიარონ რეგისტრაცია შეხვედრის დაწყებისას და დასრულებისას, რისთვისაც საჭიროა პირადობის დამადასტურებელი მოწმობა.
სტიპენდიის კონკურსში მონაწილეთათვის რეგისტრაციის დაწყების დრო: 16:45 საათი.
დრო: 13 ნოემბერი, 17:00 საათი.
ადგილმდებარეობა: E405 აუდიტორია (ქ. ჩოლოყაშვილის გამზ. №3/5), ილიას სახელმწიფო უნივერსიტეტი.
