8 დეკემბერს, ილიას სახელმწიფო უნივერსიტეტის გამოთვლითი ცენტრის პროგრამირების კლუბის ყოველკვირეული შეხვედრების სერიის ფარგლებში, გიწვევთ კომპანია Ozorix-ის თანადამფუძნებელთან და ტექნიკურ დირექტორთან, დავით ნადარაიასთან შეხვედრაზე.
შეხვედრის თემა: აბსტრაქციის ხელოვნება
განვიხილავთ კომპიუტერული მეცნიერებების ერთ-ერთ მნიშვნელოვან კომპონენტს – აბსტრაქციას – ყველაზე დაბალი დონის CPU ოპერაციებიდან, მაღალი დონის არქიტექტურულ გადაწყვეტილებებამდე.
ვისაუბრებთ შემდეგ თემებზე:
- აბსტრაქციის განმარტება კომპიუტერულ მეცნიერებაში;
- პროგრამირების პარადიგმები (OOP, FP);
- აბსტრაქციის დონეები;
- დიზაინის პატერნები;
- თანამედროვე არქიტექტურული პატერნები;
- აბსტრაქციის დადებითი და უარყოფითი მხარეები.
მომხსენებლის შესახებ
დავით ნადარაია, ილიას სახელმწიფო უნივერსიტეტის კომპიუტერული მეცნიერებების მოწვეული პროფესორი, 2004 წლიდან კომპანია Ozorix-ის თანადამფუძნებელი და ტექნიკური დირექტორი.
დავითი ფლობს ტექნიკის მეცნიერებათა კანდიდატის ხარისხს CAD/CAM სისტემების დარგში და აქვს პროგრამული უზრუნველყოფის ინდუსტრიაში მოღვაწეობის 27 წლიანი გამოცდილება. კომერციულ პროექტებთან ერთად თანამშრომლობდა, როგორც კონსულტანტი, სხვადასხვა სამეცნიერო ორგანიზაციებთან, როგორიც Institute of Advanced Study / Collegium Basilea (შვეიცარია) მონაცემთა მეცნიერების და კომპიუტერული მოდელირების მიმართულებით და ა. ჩიქობავას სახელობის ლინგვისტიკის ინსტიტუტი (საქართველო) ქართული ენის დიალექტების კორპუსის განვითარების და ბუნებრივი ენის დამუშვების მიმართულებით.
დრო: 8 დეკემბერი, 19:00 საათი
სამუშაო ენა: ინგლისური
დასწრება: თავისუფალი, წინასწარი რეგისტრაციის საფუძველზე
რეგისტრაციის ფორმა: https://forms.gle/E4FUYC37cWijsc4D6
რეგიტრაციის ბოლო ვადა: 8 დეკემბერი, 18:00 საათი
ფორმატი: დისტანციური, Zoom და FB Live (შეხვედრის ბმულს შეხვედრის დაწყებამდე ერთი საათით ადრე მიიღებთ სარეგისტრაციო ფორმაში მითითებულ ელექტრონულ მეილზე)
2021 წელი
