15 სექტემბერს ილიას სახელმწიფო უნივერსიტეტის ახალ ტექნოლოგიურ კორპუსში გაიმართა სან დიეგოს სახელწიფო უნივერსიტეტის ერთობლივი პროგრამების, მათ შორის ილიას სახელმწიფო უნივერსიტეტისა და სან დიეგოს პროგრამის, სამოქალაქო ინჟინერიის პირველკურსელთა მიღების ცერემონია და საორიენტაციო შეხვედრა .
ღონისძიება გახსნეს ილიუნის რექტორმა, პროფესორმა ნინო დობორჯგინიძემ და სან დიეგოს უნივერსიტეტის კამპუსის დეკანმა, ჰალილ გუვენმა. მათ სტუდენტებს ცხოვრების ახალი ეტაპის დაწყება მიულოცეს და წარმატება უსურვეს.
სან დიეგოს სახელმწიფო უნივერსიტეტი და ილიას სახელმწიფო უნივერსიტეტი ერთობლივად ახორციელებენ სამოქალაქო ინჟინერიის ორმაგი ხარისხის საერთაშორისო აკრედიტაციის პროგრამას, რომელიც სტუდენტს აძლევს უნიკალურ შესაძლებლობას, მოიპოვოს დიპლომი როგორც ამერიკული, ისე ქართული უნივერსიტეტიდან, სრული დაფინანსებით. პროგრამის ფარგლებში სტუდენტებს შეუძლიათ ისარგებლონ გაცვლითი პროგრამით და შესაბამისი დაფინანსებით სან დიეგოს სახელმწიფო უნივერსიტეტში (აშშ, კალიფორნია).
