ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრი იწყებს განაცხადების მიღებას SAAS ჰაკათონში მონაწილეობის მისაღებად.
17-20 ივნისს ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრისა და ილიაუნის Startup Grind-ის სტუდენტური წარმომადგენლობის ორგანიზებითა და ტერაბანკის მხარდაჭერით SAAS (Software as a Service) ჰაკათონი გაიმართება.
მონაწილეები 48 საათის განმავლობაში იმუშავებენ გამოწვევებსა და მათ გადაწყვეტაზე SAAS – Software as a Service (პროგრამული უზრუნველყოფა, როგორც სერვისი) თემის გარშემო. SaaS ჰაკათონის მთავარი მიზანია, გუნდებმა 48 საათის განმავლობაში შექმნან პირველადი პროდუქტი.
ტერა ბანკმა, ჰაკათონის მთავარმა პარტნიორმა, სპეციალურად შეჯიბრებისთვის 5000-ლარიანი საპრიზო ფონდი გამოყო.
შერჩეული მონაწილეებისთვის ჰაკათონის დროს გაიმართება თემატური მოხსენებები, მენტორინგი და ვორკშოპები, საბოლოოდ კი ჟიური გამოავლენს გამარჯვებულ გუნდს.
ვის შეუძლია მონაწილეობა?
ჰაკათონში მონაწილეობა შეუძლია ნებისმიერ დაინტერესებულ პირს 18 წელს ზემოთ, ვისაც აქვს სურვილი, იმუშაოს თანამედროვე გამოწვევებზე პროგრამული უზრუნველყოფის მიმართულებით.
რეგისტრაცია ინდივიდუალურია თუ ჯგუფური?
მონაწილეებს რეგისტრაცია შეუძლიათ როგორც ინდივიდუალურად, ისე ჯგუფის სახით.
ჯგუფის წევრების მინიმალური რაოდენობა 2, მაქსიმალური კი 5 პირია (ჯგუფის წევრებიდან ერთი მაინც უნდა იყოს ილიას სახელმწიფო უნივერსიტეტის სტუდენტი. ინდივიდუალურად რეგისტრაციის შემთხვევაში მონაწილეები ჰაკათონის მიმდინარეობისას დაჯგუფდებიან და/ან შეძლებენ დაიმატონ წევრები).
გუნდიდან განაცხადს ავსებს ერთი წარმომადგენელი, რომელიც ფორმაში უთითებს ყველა წევრის საკონტაქტო ინფორმაციას.
ფორმატი:
ჰაკათონი გაიმართება ილიას სახელმწიფო უნივერსიტეტში.
დაიწყება 17 ივნისის 14:00 საათზე და 48 საათს გაგრძელდება, 20 ივნისს კი გაიმართება დემო დღე-ფიჩინგი და დაჯილდოების ღონისძიება.
რეგისტრაციისთვის გადადით ბმულზე: https://forms.gle/4btWCMTrPU56PZ2s6
რეგისტრაცია სრულდება 15 ივნისს, 23:59 საათზე.
შერჩეულმა კანდიდატებმა თან უნდა იქონიონ საკუთარი კომპიუტერი, უნივერსიტეტი კი მონაწილეებს სამუშაო სივრცითა და საკვებით უზრუნველყოფს.
ჰაკათონის შესახებ საინფორმაციო შეხვედრა გაიმართება 15 ივნისს, 19:00 საათზე, ონლაინზუმის მეშვეობით. დაინტერესებული პირები მასზე დასწრებას შეძლებენ შემდეგი ბმულის საშუალებით: https://iliauni-edu-ge.zoom.us/j/87615100461
დამატებითი ინფორმაციისთვის მოგვმართეთ: fablab@iliauni.edu.ge
2023
