საქართველოს ინოვაციებისა და ტექნოლოგიების სააგენტოს ინიცირებითა და USAID-ის ფინანსური მხარდაჭერით ძლიერი სოფლის პროგრამის ფარგლებში 22-27 მაისს ქ. გორში ახალგაზრდებისთვის ცხადდება ტექნოლოგიური კვირეულის პროგრამა.
პროგრამას ახორციელებს ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრი.
კვირეული გულისხმობს შიდა ქართლის რეგიონის, განსაკუთრებით ადმინისტრაციულ გამყოფ ზოლთან მდებარე თემების, ახალგაზრდების დაინტერესებას ტექნოლოგიური მეწარმეობითა და ნივთების ინტერნეტით (IoT), ხელოვნური ინტელექტით (AI), eCommerce, WEB და Mobile დეველოპმენტით. სემინარები და პრაქტიკული სესიები ხელს შეუწყობს მონაწილეთა შორის ახალი ტექნოლოგიური სტარტაპერების აღმოჩენას.
კვირეულის მთავარი მიზნები:
- რეგიონების მაცხოვრებელ ახალგაზრდებს გაუღვივოს და განუვითაროს ინოვაციური აზროვნების, იდეების შემუშავებისა და სტარტაპის შენების ძირითადი უნარები;
- მონაწილეებისთვის სტარტაპის საწყისი ეტაპის წარმართვის პრაქტიკული გამოცდილების შეძენა საკუთარი იდეების განვითარების მაგალითზე;
- რეგიონებში, განსაკუთრებით ადმინისტრაციულ გამყოფ ზოლთან მდებარე თემებში, მაცხოვრებელ ახალგაზრდა ინოვატორთა აქტიურად ჩართვა საქართველოს ინოვაციურ და სტარტაპეკოსისტემაში და რეგიონული სტარტაპების ფორმირება/განვითარება
- წარმატებული სტარტაპების მაგალითზე ახალგაზრდა ინოვატორებს შორის მყარი კავშირების დამყარება და მათთვის თანამშრომლობის უპირატესობათა დემონსტრაცია.
პროგრამაში მონაწილეობა შეუძლიათ შიდა ქართლის რეგიონში მცხოვრებ 15 წლის ზემოთ ასაკის დაინტერესებულ პირებს, რომელთაც სურთ სამეწარმეო უნარების განვითარება და ინოვაციურ იდეებზე მუშაობა.
პროგრამა დასრულდება დემო დღით, რომელზეც მონაწილეები ჟიურის წინაშე წარადგენენ კვირეულზე შემუშავებულ იდეებს.
კვირეული დაიწყება 22 მაისს.
პროგრამა დასრულდება 27 მაისს დემო დღით.
ადგილმდებარეობა: გორის სახელმწიფო უნივერსიტეტი
სამუშაო ენა: ქართული
რეგისტრაციისთვის გადადით ბმულზე: https://shorturl.at/dgL25
რეგისტრაციის ვადა: 20 მაისი, 23:59 საათი
კვირეულთან დაკავშირებით ონლაინსაინფორმაციო შეხვედრა გაიმართება 21 მაისს. დეტალები ეცნობებათ რეგისტრირებულ პირებს.
კითხვების შემთხვევაში დაგვიკავშირდით: fablab@iliauni.edu.ge
2023 წელი
