23 ოქტომბრიდან ილიას სახელმწიფო უნივერსიტეტის არქიტექტურის სამაგისტრო პროგრამის ფარგლებში მიმდინარეობს სალექციო კურსი Urban Resilience: Concepts and Challenges for Sustainable Planning Strategies.
ილიაუნის სტუდენტებს შესაძლებლობა აქვთ, მოისმინონ საერთაშორისო ჭრილში განხილული ურბანულ მდგრადობასთან დაკავშირებული საკითხები. აქცენტირებულია შემდეგი თემები: კლიმატის დაცვა და ადაპტაცია, მმართველობის საკითხები და მონაწილეობა, კულტურული მემკვიდრეობის დაცვა და ურბანული დაგეგმარებისას გასათვალისწინებელი გამოწვევები თუ მიდგომები, ასევე სხვა ურბანული საკითხები.
კურსს უძღვებიან შემდეგი უნივერსიტეტების პროფესორები:
- კარლსრუეს ტექნოლოგიის ინსტიტუტი, გერმანია
- ილიას სახელმწიფო უნივერსიტეტი, ტექნოლოგიის სკოლა, საქართველო
- ტარას შევჩენკოს სახელობის კიევის უნივერსიტეტი, უკრაინა
- სახელმწიფო ავიაციის უნივერსიტეტი, უკრაინა
- ტურკუს უნივერსიტეტი, ფინეთი
- RWTH აახენის უნივერსიტეტი, გერმანია
კურსი, რომელიც მოიცავს 12 ლექციას, დეკემბრის შუა რიცხვებამდე გაგრძელდება.
2023
